نشاط منزل قلب و نظر کو یاد کرو

نشاط منزل قلب و نظر کو یاد کرو

سفر میں اپنے کسی ہم سفر کو یاد کرو

بڑے خلوص سے تاریک راستوں پہ چلو

بڑے تپاک سے حسن سحر کو یاد کرو

جلے چراغ تو چپکے سے نام لو میرا

ملے خوشی تو مری چشم تر کو یاد کرو

جو دل میں رہ کے بھی انجان سی رہی برسوں

کسی کی اس نگہہ فتنہ گر کو یاد کرو

دل حزیں کا تقاضہ ہے جادۂ غم میں

نظر کے ساتھ فریب نظر کو یاد کرو

قدم قدم پہ جہاں زندگی نکھرتی تھی

کسی کے پیار کی اس رہ گزر کو یاد کرو

ہے جس کے فیض سے اب تک بھی روشنی گھر میں

رئیسؔ اب بھی اسی چشم تر کو یاد کرو

nishat-e-manzil qalb-o-nazar ko yad karo

safar main apne kisi ham safar ko yad karo

bare khulus se tarik raston pe chalo

bare tapak se husn-e-sahar ko yad karo

jale charagh to chupke se nam lo mera

mile khushi to miri chashm-e-tar ko yad karo

jo dil mein rah ke bhi anjan si rahi barson

kisi ki is nagha fitna gar ko yad karo

dil-e-hazin ka taqaza hai jada-e-gham mein

nazar ke sath fareb-e-nazar ko yad karo

qadam qadam pe jahan zindagi nikharti thi

kisi ke pyar ki is rah guzar ko yad karo

hai jis ke faiz se ab tak bhi raushni ghar mein

rais ab bhi usi chashm-e-tar ko yad karo