کہیں نباہ کی صورت نہیں زمانے میں

کہیں نباہ کی صورت نہیں زمانے میں

قفس میں چین نہ راحت ہے آشیانے میں

بسے چمن میں تھے اڑ کر قفس میں جا پہونچے

کشش عجیب ہے قسمت کے آب و دانے میں

پھرا نصیب تو دنیا نے پھیر لیں آنکھیں

شریک حال نہیں کوئی بھی زمانے میں

کسے سنائیں سنے کون کیا پڑی کس کو

بلا کا درد بھرا ہے مرے فسانے میں

چھپیں گے اہل نظر سے یہاں وہاں کب تک

کبھی تو آئیں گے دل کے نگار خانے میں

کہیں سکون نہیں ضبط ڈھونڈھتے کیا ہو

غبار چھایا ہے دنیا کے کارخانے میں

kahin nibah ki surat nahin zamane mein

qafas mein chain na rahat hai ashiyane mein

base chaman mein the ur kar qafas mein ja pahunche

kashish ajib hai qismat ke ab-o-dane mein

phira nasib to duniya ne pher len ankhen

sharik-e-hal nahin koi bhi zamane mein

kise sunaen sune kaun kya pari kis ko

bala ka dard bhara hai mire fasane mein

chhupenge ahl-e-nazar se yahan wahan kab tak

kabhi to aenge dil ke nigar khane mein

kahin sukun nahin zabt dhundhte kya ho

ghubar chhaya hai duniya ke karkhane mein