کسی کی شام سادگی سحر کا رنگ پا گئی

کسی کی شام سادگی سحر کا رنگ پا گئی

صبا کے پاؤں تھک گئے مگر بہار آ گئی

چمن کی جشن گاہ میں اداسیاں بھی کم نہ تھیں

جلی جو کوئی شمع گل کلی کا دل بجھا گئی

بتان رنگ رنگ سے بھرے تھے بت کدہ مگر

تیری ادائے سادگی مری نظر کو بھا گئی

میری نگاہ تشنہ لب کی سر خوشی نہ پوچھئے

کے جب اٹھی نگاہ ناز پی گئی پلا گئی

خزاں کا دور ہے مگر وہ اس ادا سے آئے ہیں

بہار درشنؔ حزیں کی زندگی پہ چھا گئی

kisi ki sham sadgi sahar ka rang pa gai

saba ke paon thak gae magar bahar a gai

chaman ki jashn gah mein udasiyan bhi kam na thin

jali jo koi sham-e-gul kali ka dil bujha gai

butan-e-rang rang se bhare the but kada magar

teri ada-e-sadgi miri nazar ko bha gai

meri nigah tishna lab ki sar khushi na puchhiye

ke jab uthi nigah-e-naz pi gai pila gai

khizan ka daur hai magar wo is ada se ae hain

bahar darshan-e-hazin ki zindagi pe chha gai