اب کہاں جائیں غم بھلانے کو

اب کہاں جائیں غم بھلانے کو

چھوڑ کر تیرے آستانہ کو

خوف دنیا نہ فکر عقبیٰ کی

چل دیا میں شراب خانے کو

اس فریب ادا کے ہم صدقے

دل لیا بھی تو آزمانے کو

چشم اگر ہو تو محو ذوق نظر

دل اگر ہو تو غم اٹھانے کو

ہم تو برباد ہو گئے پھر بھی

لطف آیا نہ کچھ زمانے کو

وعدۂ وصل کر کے وہ روٹھے

ضبطؔ جاتے ہیں اب منانے کو

ab kahan jaen gham bhulane ko

chhor kar tere astana ko

khauf duniya na fikr uqba ki

chal diya main sharab khane ko

is fareb-e-ada ke ham sadqe

dil liya bhi to azmane ko

chashm agar ho to mahw-e-zauq-e-nazar

dil agar ho to gham uthane ko

ham to barbad ho gae phir bhi

lutf aya na kuchh zamane ko

waada-e-wasl kar ke wo ruthe

zabt jate hain ab manane ko