اے دل تجھے کیا وقت کی پہچان نہیں ہے

اے دل تجھے کیا وقت کی پہچان نہیں ہے

اب ان سے ملاقات کا امکان نہیں ہے

تیور نہ ہوں انساں کے تو کچھ جان نہیں ہے

کیا خط ہے وہ جس کا کوئی عنوان نہیں ہے

کیوں جوش محبت کا وہ طوفان نہیں ہے

کیا دل نہیں سینے میں ہے کیا جان نہیں ہے

غم شرط ہے دوراں کا ہو یا ہو غم جاناں

جس کو نہ کوئی غم ہو وہ انسان نہیں ہے

آئے ہیں مرے جذب محبت کے اثر سے

کچھ ان کی عنایات کا احسان نہیں ہے

دشمن کا سمجھ لینا تو دشوار نہیں ضبطؔ

پر دوست کی پہچان تو آسان نہیں ہے

ai dil tujhe kya waqt ki pahchan nahin hai

ab un se mulaqat ka imkan nahin hai

tewar na hun insan ke to kuchh jan nahin hai

kya khat hai wo jis ka koi unwan nahin hai

kyun josh-e-mohabbat ka wo tufan nahin hai

kya dil nahin sine mein hai kya jan nahin hai

gham shart hai dauran ka ho ya ho gham-e-janan

jis ko na koi gham ho wo insan nahin hai

ae hain mire jazb-e-mohabbat ke asar se

kuchh un ki inayat ka ehsan nahin hai

dushman ka samajh lena to dushwar nahin zabt

par dost ki pahchan to asan nahin hai