راتیں وہ دل فریب بہاریں وہ خواب کی

راتیں وہ دل فریب بہاریں وہ خواب کی

پیری میں یاد آئی ہیں باتیں شباب کی

رندوں کی بزم اور برائی شراب کی

واعظ نے اپنی آپ ہی مٹی خراب کی

یوں دھجیاں اڑائیں نظر نے نقاب کی

تنویر چھن رہی ہے رخ پر حجاب کی

شبنم دکھا رہی ہے جھلک انقلاب کی

موجیں سنا رہی ہیں کہانی حباب کی

غنچوں کو گدگدا کے جگایا نسیم نے

پھولوں سے کھیلتی ہے کرن آفتاب کی

پیر مغاں کے ظرف پہ حرف آ رہا ہے آج

خالی دکھا رہا ہے صراحی شباب کی

دل کا لگاؤ دل سے نظر کا نظر سے ہے

حاجت سوال کی نہ ضرورت جواب کی

اپنا طریق ضبطؔ زمانے سے ہے جدا

فکر عذاب ہے نہ تمنا ثواب کی

raten wo dil fareb baharen wo khwab ki

piri mein yad ai hain baten shabab ki

rindon ki bazm aur burai sharab ki

waiz ne apni ap hi mitti kharab ki

yun dhajjiyan uraen nazar ne naqab ki

tanwir chhin rahi hai rukh par hijab ki

shabnam dikha rahi hai jhalak inqilab ki

maujen suna rahi hain kahani habab ki

ghunchon ko gudguda ke jagaya nasim ne

phulon se khelti hai kiran aftab ki

pir-e-mughan ke zarf pe harf a raha hai aj

khali dikha raha hai surahi shabab ki

dil ka lagao dil se nazar ka nazar se hai

hajat sawal ki na zarurat jawab ki

apna tariq zabt zamane se hai juda

fikr-e-azab hai na tamanna sawab ki