کعبے کا تمنائی ہے کوئی مشتاق کوئی بت خانے کا

ان عقل کے دیوانے سے جدا عالم ہے ترے دیوانے کا

ناصح تو نصیحت دل کو نہ کر موقع یہ نہیں سمجھانے کا

جانا ہے سوئے بزم جاناں اک سوز لئے پروانے کا

اس رنگ برنگی دنیا میں آرام و سکوں کا نام نہیں

اک عالم کیف و مستی میں داخل جو ہوئے میخانے میں

ساقی کو کیا سجدہ جھک کر منہ چوم لیا پیمانے کا

کہہ دو یہ فراغت والوں سے دنیا میں سنبھل کر رہنا ہے

کل تک جو یہاں آسودہ تھا محتاج ہے دانے دانے کا

سب مفت گنوایا پاس جو تھا اب ضبطؔ چلو تم اپنے گھر

جی بھر کے تماشا دیکھ چکے دنیا کے عجائب خانے کا