دل کی راہیں روشن کرتے رہتے ہیں

دل کی راہیں روشن کرتے رہتے ہیں

کس کے گھنگھرو چھن چھن کرتے رہتے ہیں

دنیا جس کی کھوج میں پاگل پھرتی ہے

ہم تو اس کے درشن کرتے رہتے ہیں

اندر کی بے رنگی شاید چھپ جائے

باہر رنگ و روغن کرتے رہتے ہیں

ان سے پوچھو آنے والی رت کا حال

جو پت جھڑ کو ساون کرتے رہتے ہیں

ان کے دل میں گھر کر لینا مشکل ہے

چٹانوں میں روزن کرتے رہتے ہیں

چپ رہتے ہیں جن میں کچھ بھی ہوتا ہے

خالی ڈبے کھن کھن کرتے رہتے ہیں

dil ki rahen raushan karte rahte hain

kis ke ghunghru chhin chhin karte rahte hain

duniya jis ki khoj mein pagal phirti hai

ham to us ke darshan karte rahte hain

andar ki be rangi shayad chhup jae

bahar rang-o-roghan karte rahte hain

un se puchho ane wali rut ka hal

jo pat jhar ko sawan karte rahte hain

un ke dil mein ghar kar lena mushkil hai

chatanon mein rauzan karte rahte hain

chup rahte hain jin mein kuchh bhi hota hai

khali dabbe khan khan karte rahte hain