معرکہ ہی معرکہ چاروں طرف

معرکہ ہی معرکہ چاروں طرف

اک ہجوم کربلا چاروں طرف

توڑ دے اس دائرے کو توڑ دے

راستہ ہے راستہ چاروں طرف

مجھ کو کیسی خامشی درکار تھی

اور کیسا شور تھا چاروں طرف

وقت وہ جب میرے اندر میں نہ تھا

کون تھا میرے سوا چاروں طرف

عمر بھر مکار آنکھوں نے مجھے

وہ دکھایا جو نہ تھا چاروں طرف

اچھے اچھے جس کی رو میں بہہ گئے

اس نے باندھی وہ ہوا چاروں طرف

ہائے یہ ہم شاعروں کی ہائے ہائے

اور مکرر واہ وا چاروں طرف

marka hi marka charon taraf

ik hujum-e-karbala charon taraf

tor de is daire ko tor de

rasta hai rasta charon taraf

mujh ko kaisi khamushi darkar thi

aur kaisa shor tha charon taraf

waqt wo jab mere andar mein na tha

kaun tha mere siwa charon taraf

umr bhar makkar ankhon ne mujhe

wo dikhaya jo na tha charon taraf

achchhe achchhe jis ki rau mein bah gae

us ne bandhi wo hua charon taraf

hae ye ham shayaron ki hae hae

aur mukarrar wah wa charon taraf