سب کو یہ فکر ہاتھ سے اب ایک پل نہ جائے

سب کو یہ فکر ہاتھ سے اب ایک پل نہ جائے

دنیا حدود وقت سے آگے نکل نہ جائے

سب کو فریب دے مگر اتنا رہے خیال

بہروپ بھرتے بھرتے یہ چہرہ بدل نہ جائے

غم سے نباہ کیجیے اس تمکنت کے ساتھ

دل کا شرارہ آنکھ کی حد تک مچل نہ جائے

ذوق نظر دیا ہے تو ظرف نظر بھی دے

ڈر ہے مجھے شعور کی وسعت نگل نہ جائے

سنتا ہوں آپ میری عیادت کو آئیں گے

کرتا ہوں سو جتن کہ طبیعت سنبھل نہ جائے

وہ درد ہے کہ پھٹ نہ پڑے دل کہیں ندیمؔ

وہ خوف ہے کہ ریڑھ کی ہڈی پگھل نہ جائے

sab ko ye fikr hath se ab ek pal na jae

duniya hudud-e-waqt se age nikal na jae

sab ko fareb de magar itna rahe khayal

bahrup bharte bharte ye chehra badal na jae

gham se nibah kijiye is tamkanat ke sath

dil ka sharara ankh ki had tak machal na jae

zauq-e-nazar diya hai to zarf-e-nazar bhi de

dar hai mujhe shuur ki wusat nigal na jae

sunta hun ap meri ayadat ko aenge

karta hun so jatan ke tabiat sambhal na jae

wo dard hai ke phat na pare dil kahin nadim

wo khauf hai ke rirh ki haddi pighal na jae