کہاں کوئی خزانہ چاہتا ہوں

کہاں کوئی خزانہ چاہتا ہوں

ذرا سا مسکرانا چاہتا ہوں

مجھے موجیں اچھالے جا رہی ہیں

میں کب سے ڈوب جانا چاہتا ہوں

جو پرکھوں کا سنہرا کل یہی ہے

تو واپس لوٹ جانا چاہتا ہوں

کوئی دل ہو کرائے کا مکاں ہے

میں اب ذاتی ٹھکانہ چاہتا ہوں

خدا میری انا محفوظ رکھے

میں دو روٹی کمانا چاہتا ہوں

جو تو آئے بساط زندگی پر

تو خود کو ہار جانا چاہتا ہوں

kahan koi khazana chahta hun

zara sa muskurana chahta hun

mujhe maujen uchhale ja rahi hain

main kab se dub jana chahta hun

jo purkhon ka sunahra kal yahi hai

tu wapas laut jana chahta hun

koi dil ho karae ka makan hai

main ab zati thikana chahta hun

khuda meri ana mahfuz rakhe

main do roti kamana chahta hun

jo tu ae bisat-e-zindagi par

tu khud ko har jana chahta hun