Arooz is now on the App Store, for iPhone and iPad. Download →

All poetry

اپنی روداد یوں بیاں ہو جائے

Nadeem Fazli (b. 1959)

اپنی روداد یوں بیاں ہو جائے

اک پتنگا جلے دھواں ہو جائے

خاک مل جائے خاک میں میری

یا ستاروں میں ضو فشاں ہو جائے

اس کی صورت پہ تبصرہ کیسا

آئنہ جس سے بد گماں ہو جائے

یہ جہاں خواب ہے مگر ایسا

آنکھ موندیں تو رائیگاں ہو جائے

اپنی رسوائیاں مجھے منظور

تو اگر میرا راز داں ہو جائے

میری بے تابیاں بیان ہوئیں

اب ترے ضبط کا بیاں ہو جائے