بکھر ہی جاؤں گا میں بھی ہوا اداسی ہے

بکھر ہی جاؤں گا میں بھی ہوا اداسی ہے

فنا نصیب ہر اک سلسلہ اداسی ہے

بچھڑ نہ جائے کہیں تو سفر اندھیروں میں

ترے بغیر ہر اک راستا اداسی ہے

بتا رہا ہے جو رستہ زمیں دشاؤں کو

ہمارے گھر کا وہ روشن دیا اداسی ہے

اداس لمحوں نے کچھ اور کر دیا ہے اداس

ترے بغیر تو ساری فضا اداسی ہے

کہیں ضرور خدا کو مری ضرورت ہے

جو آ رہی ہے فلک سے صدا اداسی ہے

bikhar hi jaunga mein bhi hua udasi hai

fana nasib har ik silsila udasi hai

bichhar na jae kahin to safar andheron mein

tire baghair har ik rasta udasi hai

bata raha hai jo rasta zamin dashaon ko

hamare ghar ka wo raushan diya udasi hai

udas lamhon ne kuchh aur kar diya hai udas

tire baghair to sari faza udasi hai

kahin zarur khuda ko miri zarurat hai

jo a rahi hai falak se sada udasi hai