جنم جنم کی تکان ہوتی نہ بال و پر میں

جنم جنم کی تکان ہوتی نہ بال و پر میں

جو چند لمحے گزار لیتا تری نظر میں

چلے ہو گھر سے تو کام آئیں گے ساتھ لے لو

وفا کی خوشبو وفا کا سایہ کڑے سفر میں

روایتوں سے گریز کیسا چلو جگائیں

نصیب سویا ہوا ہے اپنا اسی کھنڈر میں

غضب کا سود و زیاں ہے اپنے مزاج میں اب

بلا کی ٹھنڈک اتر چکی ہے رگ شرر میں

کبھی تو سارا جہان ہم کو لگا ہے اپنا

کبھی نظر آئے اجنبی سے خود اپنے گھر میں

گل اور تتلی پہ تبصرہ کیا ندیمؔ کرتے

بجھے ہوئے دل جلے مکانات تھے نظر میں

janam janam ki takan hoti na bal-o-par main

jo chand lamhe guzar leta tiri nazar mein

chale ho ghar se to kam aenge sath le lo

wafa ki khushbu wafa ka saya kare safar mein

riwayaton se gurez kaisa chalo jagaen

nasib soya hua hai apna isi khandar mein

ghazab ka sud-o-ziyan hai apne mizaj mein ab

bala ki thandak utar chuki hai rag-e-sharar mein

kabhi to sara jahan ham ko laga hai apna

kabhi nazar ae ajnabi se khud apne ghar mein

gul aur titli pe tabsira kya nadim karte

bujhe hue dil jale makanat the nazar mein