ہر ایک بات کسی بات پر ہے گویا طنز

ہر ایک بات کسی بات پر ہے گویا طنز

مری زبان مری ذات پر ہے گویا طنز

نہ وہ خلوص کی گرمی نہ والہانہ پن

کسی سے ملنا ملاقات پر ہے گویا طنز

نگاہ آدم خاکی کی وسعتوں کا بیاں

تمام ارض و سماوات پر ہے گویا طنز

عجیب شخص ہے اس کی بس ایک خاموشی

زمانے بھر کی خرافات پر ہے گویا طنز

کسی کے ہاتھ پہ بیعت نہ کر سکا میں ندیمؔ

سو اپنا ہاتھ مرے ہات پر ہے گویا طنز

har ek bat kisi bat par hai goya tanz

miri zaban miri zat par hai goya tanz

na wo khulus ki garmi na walhana pan

kisi se milna mulaqat par hai goya tanz

nigah adam-e-khaki ki wusaton ka bayan

tamam arz-o-samawat par hai goya tanz

ajib shakhs hai us ki bas ek khamoshi

zamane bhar ki khurafat par hai goya tanz

kisi ke hath pe baiat na kar saka mein nadim

so apna hath mire hat par hai goya tanz