آپ کو مجھ سے خفا مجھ سے خفا دیکھتا ہوں

آپ کو مجھ سے خفا مجھ سے خفا دیکھتا ہوں

پھوٹتی کیوں نہیں آنکھیں مری کیا دیکھتا ہوں

روز اس روح کی ویرانیاں کھل اٹھتی ہیں

روز اس دشت میں اک آبلہ پا دیکھتا ہوں

گل کھلاتے ہیں نیا روز یہ رشتے ناطے

روز ہی خون کا اک رنگ نیا دیکھتا ہوں

ایک سچ یہ ہے جو دنیا کو برتنے پہ کھلا

ایک سچ وہ جو کتابوں میں لکھا دیکھتا ہوں

آپ ہیں سب سے جو از راہ ضرورت ہی ملے

اور میں آپ میں بھی خوئے وفا دیکھتا ہوں

آنکھ بھر کر میں جسے دیکھ نہ پایا تھا ندیمؔ

خود کو اس خواب کے ملبے میں دبا دیکھتا ہوں

ap ko mujh se khafa mujh se khafa dekhta hun

phutti kyun nahin ankhen miri kya dekhta hun

roz is ruh ki wiraniyan khul uthti hain

roz is dasht mein ik abla pa dekhta hun

gul khilate hain naya roz ye rishte nate

roz hi khun ka ik rang naya dekhta hun

ek sach ye hai jo duniya ko baratne pe khula

ek sach wo jo kitabon mein likha dekhta hun

ap hain sab se jo az rah zarurat hi mile

aur main ap mein bhi khu-e-wafa dekhta hun

ankh bhar kar main jise dekh na paya tha nadim

khud ko is khwab ke malbe mein daba dekhta hun