وہ یک بہ یک اسے دل میں اتارنے کا عمل

وہ یک بہ یک اسے دل میں اتارنے کا عمل

وہ اپنی ذات پہ شب خون مارنے کا عمل

ہزار وسوسے دل میں اور اک دہکتا الاؤ

حیات دشت میں راتیں گزارنے کا عمل

بس ایک خوشۂ گندم اور ایسی دربدری

وہ آسماں کو زمیں پر اتارنے کا عمل

یہ عمر میز ہے گویا قمار خانے کی

بس ایک جیت کی خواہش میں ہارنے کا عمل

وہ بند خوشبو کا باد صبا کے وہ ناخن

کلی کے جسم سے کپڑے اتارنے کا عمل

غضب کا شور مچاتے ہوئے یہ سناٹے

وہ بے صدا بھی کسی کو پکارنے کا عمل

ہوئی ہے شام پھر اشکوں سے اک وضو ہو ندیمؔ

پھر ایک رات ستارے شمارنے کا عمل

wo yak ba yak use dil mein utarne ka amal

wo apni zat pe shab khun marne ka amal

hazar waswase dil mein aur ik dahakta alao

hayat dasht mein raten guzarne ka amal

bas ek khosha-e-gandum aur aisi darbadari

wo asman ko zamin par utarne ka amal

ye umr mez hai goya qimar khane ki

bas ek jit ki khwahish mein harne ka amal

wo band khushbu ka bad-e-saba ke wo nakhun

kali ke jism se kapre utarne ka amal

ghazab ka shor machate hue ye sannate

wo be sada bhi kisi ko pukarne ka amal

hui hai sham phir ashkon se ik wuzu ho nadim

phir ek rat sitare shamarne ka amal