کسی بھی روشن خیال سے آشنا نہیں ہے

کسی بھی روشن خیال سے آشنا نہیں ہے

جو آپ اپنے جمال سے آشنا نہیں ہے

اسے خیالوں میں جیسا چاہوں تراش لوں گا

ابھی نظر خد و خال سے آشنا نہیں ہے

ابھی تو دعویٰ ہے اس کو مشکل پسندیوں کا

ابھی وہ کار محال سے آشنا نہیں ہے

ابھی تو مٹی مہک اٹھی ہے نمی کو پا کر

ابھی وہ پانی کی چال سے آشنا نہیں ہے

مزاج حاوی رہا ہمیشہ ضرورتوں پر

فقیر حرف سوال سے آشنا نہیں ہے

kisi bhi raushan khayal se ashna nahin hai

jo ap apne jamal se ashna nahin hai

use khayalon mein jaisa chahun tarash lunga

abhi nazar khad-o-khal se ashna nahin hai

abhi to daawa hai us ko mushkil pasandiyon ka

abhi wo kar-e-muhal se ashna nahin hai

abhi to mitti mahak uthi hai nami ko pa kar

abhi wo pani ki chal se ashna nahin hai

mizaj hawi raha hamesha zaruraton par

faqir harf-e-sawal se ashna nahin hai