دشمنی کی اس ہوا کو تیز ہونا چاہئے
Parkash Fikri (1931–2008)دشمنی کی اس ہوا کو تیز ہونا چاہئے
اس کی کشتی کو سر ساحل ڈبونا چاہئے
چھین کر ساری امیدیں مجھ سے وہ کہتا ہے اب
کشت دل میں آرزو کا بیج بونا چاہئے
اس سمندر کی کثافت آنکھ میں چبھنے لگی
اس کا چہرہ اور ہی پانی سے دھونا چاہئے
سونپ جائیں ان درختوں کو نشانی نام کی
ہم کبھی تھے اگلی رت کو علم ہونا چاہئے
یہ بھی کوئی تک ہوئی کہ کچھ ہوا تو رو پڑے
شخصیت کا رنگ فکریؔ یوں نہ کھونا چاہئے
dushmani ki is hawa ko tez hona chahiye
us ki kashti ko sar-e-sahil dubona chahiye
chhin kar sari ummiden mujh se wo kahta hai ab
kisht-e-dil mein arzu ka bij bona chahiye
is samundar ki kasafat ankh mein chubhne lagi
us ka chehra aur hi pani se dhona chahiye
saunp jaen in darakhton ko nishani nam ki
ham kabhi the agli rut ko ilm hona chahiye
ye bhi koi tak hui ke kuchh hua to ro pare
shakhsiyat ka rang fikri yun na khona chahiye