یہ جو جگنو ہیں یا ستارے ہیں

یہ جو جگنو ہیں یا ستارے ہیں

ہم میں روشن ہیں یہ ہمارے ہیں

کیا خزاں کیا بہار کا جھگڑا

جتنے موسم ہیں ہم کو پیارے ہیں

کس کے خاکے میں ہم بھریں ان کو

رنگ پھولوں سے جو اتارے ہیں

اپنے اندر کی راکھ میں اب بھی

جلتے بجھتے سے کچھ شرارے ہیں

بیج بوتے ہیں جو ہواؤں میں

کتنے معصوم وہ بچارے ہیں

خواب فردا سے کیا ہمیں فکریؔ

ایسے خوابوں سے اب کنارے ہیں

ye jo jugnu hain ya sitare hain

ham mein raushan hain ye hamare hain

kya khizan kya bahar ka jhagra

jitne mausam hain ham ko pyare hain

kis ke khake mein ham bharen un ko

rang phulon se jo utare hain

apne andar ki rakh mein ab bhi

jalte bujhte se kuchh sharare hain

bij bote hain jo hawaon mein

kitne maasum wo bachare hain

khwab farda se kya hamen fikri

aise khwabon se ab kinare hain