ہوا سے اجڑ کر بکھر کیوں گئے

ہوا سے اجڑ کر بکھر کیوں گئے

وہ پتے جو سرسبز شاخوں پہ تھے

ہری گھاس کس کے لہو سے جلی

وہ تتلی کے رنگین پر کیا ہوئے

نہیں کوئی چڑیا کسی ڈال پر

درختوں پہ مکڑی نے جالے بنے

دریچوں کے شیشوں کا دل توڑ کر

مکاں خالی روحوں کے مسکن بنے

ہے خبروں کے چہروں پہ وحشت بہت

میں دیکھوں جو ان کو مرا جی ڈرے

جو آنکھوں کی فکریؔ ہنسی چھین لیں

وہ کس تیرہ جنگل کے ہیں بھیڑیے

hawa se ujar kar bikhar kyun gae

wo patte jo sarsabz shakhon pe the

hari ghas kis ke lahu se jali

wo titli ke rangin par kya hue

nahin koi chiriya kisi dal par

darakhton pe makri ne jale bane

darichon ke shishon ka dil tor kar

makan khali ruhon ke maskan bane

hai khabron ke chehron pe wahshat bahut

main dekhun jo un ko mira ji dare

jo ankhon ki fikri hansi chhin len

wo kis tira jangal ke hain bheriye