ترے قریب رہوں یا کہ دور جاؤں میں

ترے قریب رہوں یا کہ دور جاؤں میں

ہے دل کا ایک ہی عالم تجھی کو چاہوں میں

میں جانتا ہوں وہ رکھتا ہے چاہتیں کتنی

مگر یہ بات اسے کس طرح بتاؤں میں

جو چپ رہا تو وہ سمجھے گا بد گمان مجھے

برا بھلا ہی سہی کچھ تو بول آؤں میں

پھر اس کے بعد تعلق میں فاصلے ہوں گے

مجھے سنبھال کے رکھنا بچھڑ نہ جاؤں میں

محبتوں کی پرکھ کا یہی تو رستہ ہے

تری تلاش میں نکلوں تجھے نہ پاؤں میں

tire qarib rahun ya ke dur jaun main

hai dil ka ek hi alam tujhi ko chahon mein

main janta hun wo rakhta hai chahaten kitni

magar ye bat use kis tarah bataun main

jo chup raha to wo samjhega bad guman mujhe

bura bhala hi sahi kuchh to bol aun main

phir is ke baad taalluq mein fasle honge

mujhe sambhal ke rakhna bichhar na jaun main

mohabbaton ki parakh ka yahi to rasta hai

tiri talash mein niklun tujhe na paon mein