وہ رابطے بھی انوکھے جو دوریاں برتیں

وہ رابطے بھی انوکھے جو دوریاں برتیں

وہ قربتیں بھی نرالی جو لمس کو ترسیں

سوال بن کے سلگتے ہیں رات بھر تارے

کہاں ہے نیند ہماری وہ بس یہی پوچھیں

بلاتا رہتا ہے جنگل ہمیں بہانوں سے

سنیں جو اس کی تو شاید نہ پھر کبھی لوٹیں

پھسلتی جاتی ہے ہاتھوں سے ریت لمحوں کی

کہاں ہے بس میں ہمارے کہ ہم اسے روکیں

حقیقتوں کا بدلنا تو خواب ہے فکریؔ

مگر یہ خواب ہے ایسا کہ سب جسے دیکھیں

wo rabte bhi anokhe jo duriyan barten

wo qurbaten bhi nirali jo lams ko tarsen

sawal ban ke sulagte hain rat bhar tare

kahan hai nind hamari wo bas yahi puchhen

bulata rahta hai jangal hamen bahanon se

sunen jo us ki to shayad na phir kabhi lauten

phisalti jati hai hathon se ret lamhon ki

kahan hai bas mein hamare ke ham use roken

haqiqaton ka badalna to khwab hai fikri

magar ye khwab hai aisa ke sab jise dekhen