زرد پیڑوں پہ شام ہے گریاں

زرد پیڑوں پہ شام ہے گریاں

جی اداسی کے دشت میں حیراں

نیم روشن سیاہیاں ہر سو

اور ہوائیں سکوت پر خنداں

ٹھہرے پانی کے سرد شیشے میں

گزرے موسم کے عکس ہیں لرزاں

سب کے ہونٹوں پہ جم گئیں باتیں

سب کی آنکھوں میں رات نوحہ خواں

ربط رشتوں کے رنگ ہیں پھیکے

خواب قصے کہانیاں بے جاں

جو تھا رستے کی روشنی فکریؔ

وہ بھی نظروں سے ہو گیا پنہاں

zard peron pe sham hai giryan

ji udasi ke dasht mein hairan

nim raushan siyahiyan har su

aur hawaen sukut par khandan

thahre pani ke sard shishe mein

guzre mausam ke aks hain larzan

sab ke honton pe jam gain baten

sab ki ankhon mein rat nauha khwan

rabt rishton ke rang hain phike

khwab qisse kahaniyan be jan

jo tha raste ki raushni fikri

wo bhi nazron se ho gaya pinhan