کالی راتوں میں فصیل درد اونچی ہو گئی

کالی راتوں میں فصیل درد اونچی ہو گئی

اندھی گلیوں میں خموشی لاش بن کے سو گئی

برف سے ٹھنڈے اندھیروں کی سسکتی گود میں

مرتے لمحوں کی اداسی دل میں کانٹے بو گئی

شہر کی سوتی چھتیں ہوں یا فسردہ راستے

قطرہ قطرہ گرتی شبنم سب کا چہرہ دھو گئی

نیند میں ڈوبے شجر سے چیختے پنچھی اڑے

خوف کے مارے ہوا میں کپکپی سی ہو گئی

اس اکیلے پن کے ہاتھوں ہم تو فکریؔ مر گئے

وہ صدا جو ڈھونڈتی تھی جنگلوں میں کھو گئی

kali raton mein fasil-e-dard unchi ho gai

andhi galiyon mein khamoshi lash ban ke so gai

barf se thande andheron ki sisakti god mein

marte lamhon ki udasi dil mein kante bu gai

shahr ki soti chhaten hun ya fasurda raste

qatra qatra girti shabnam sab ka chehra dho gai

nind mein dube shajar se chikhte panchhi ure

khauf ke mare hawa mein kapkuppi si ho gai

is akele pan ke hathon ham to fikri mar gae

wo sada jo dhundti thi jangalon mein kho gai