ہوا سے زرد پتے گر رہے ہیں

ہوا سے زرد پتے گر رہے ہیں

کتابوں کے ورق بکھرے پڑے ہیں

اسی پانی میں مچھلی کا مکاں ہے

اسی پانی میں پیاسے ہم مرے ہیں

جہاں گلزار کھلتا تھا ہنسی کا

وہیں چمگادڑوں کے گھونسلے ہیں

اندھیرے میں ڈرا دیتے ہیں ہم کو

یہ کپڑے کھونٹیوں پر جو ٹنگے ہیں

کبھی تو خاک میں وہ بھی ملیں گے

ابھی جو چاند سے فکریؔ بنے ہیں

hawa se zard patte gir rahe hain

kitabon ke waraq bikhre pare hain

isi pani mein machhli ka makan hai

isi pani mein pyase ham mire hain

jahan gulzar khulta tha hansi ka

wahin chamgadaron ke ghonsle hain

andhere mein dara dete hain ham ko

ye kapre khuntiyon par jo tange hain

kabhi to khak mein wo bhi milenge

abhi jo chand se fikri bane hain