شبنم بھیگی گھاس پہ چلنا کتنا اچھا لگتا ہے

شبنم بھیگی گھاس پہ چلنا کتنا اچھا لگتا ہے

پاؤں تلے جو موتی بکھریں جھلمل رستہ لگتا ہے

جاڑے کی اس دھوپ نے دیکھو کیسا جادو پھیر دیا

بے حد سبز درختوں کا بھی رنگ سنہرا لگتا ہے

بھیڑیں اجلی جھاگ کے جیسی سبزہ ایک سمندر سا

دور کھڑا وہ پربت نیلا خواب میں کھویا لگتا ہے

جس نے سب کی میل کثافت دھوئی اپنے ہاتھوں سے

دریا کتنا اجلا ہے وہ شیشے جیسا لگتا ہے

اندر باہر ایک خموشی ایک جلن بے چینی سے

کس کو ہم بتلائیں آخر یہ سب کیسا لگتا ہے

شام لہکتے جذبوں والی فکریؔ کب کی راکھ ہوئی

چاند رو پہلی کرنوں والا درد کا مارا لگتا ہے

shabnam bhigi ghas pe chalna kitna achchha lagta hai

paon tale jo moti bikhren jhilmil rasta lagta hai

jare ki is dhup ne dekho kaisa jadu pher diya

be had sabz darakhton ka bhi rang sunahra lagta hai

bhiren ujli jhag ke jaisi sabza ek samundar sa

dur khara wo parbat nila khwab mein khoya lagta hai

jis ne sab ki mel kasafat dhoi apne hathon se

dariya kitna ujla hai wo shishe jaisa lagta hai

andar bahar ek khamoshi ek jalan be chini se

kis ko ham batlaen akhir ye sab kaisa lagta hai

sham lahakte jazbon wali fikri kab ki rakh hui

chand ro pahli kirnon wala dard ka mara lagta hai