وہ خواب تھا بکھر گیا خیال تھا ملا نہیں

وہ خواب تھا بکھر گیا خیال تھا ملا نہیں

مگر یہ دل کو کیا ہوا کیوں بجھ گیا پتا نہیں

ہر ایک دن اداس دن تمام شب اداسیاں

کسی سے کیا بچھڑ گئے کہ جیسے کچھ بچا نہیں

وہ ساتھ تھا تو منزلیں نظر نظر چراغ تھیں

قدم قدم سفر میں اب کوئی بھی لب دعا نہیں

ہم اپنے اس مزاج میں کہیں بھی گھر نہ ہو سکے

کسی سے ہم ملے نہیں کسی سے دل ملا نہیں

ہے شور سا طرف طرف کہ سرحدوں کی جنگ میں

زمیں پہ آدمی نہیں فلک پہ کیا خدا نہیں

wo khwab tha bikhar gaya khayal tha mila nahin

magar ye dil ko kya hua kyun bujh gaya pata nahin

har ek din udas din tamam shab udasiyan

kisi se kya bichhar gae ke jaise kuchh bacha nahin

wo sath tha to manzilen nazar nazar charagh thin

qadam qadam safar mein ab koi bhi lab dua nahin

ham apne is mizaj mein kahin bhi ghar na ho sake

kisi se ham mile nahin kisi se dil mila nahin

hai shor sa taraf taraf ke sarhadon ki jang mein

zamin pe admi nahin falak pe kya khuda nahin