نہ گرے کہیں نہ ہرے ہوئے کئی سال سے

نہ گرے کہیں نہ ہرے ہوئے کئی سال سے

یوں ہی خشک پات جڑے رہے تری ڈال سے

کوئی لمس تھا جو سراپا آنکھ بنا رہا

کوئی پھول جھانکتا رہ گیا کسی شال سے

تری کائنات سے کچھ زیادہ طلب نہیں

فقط ایک موتی ہی موتیوں بھرے تھال سے

تو وہ ساحرہ کہ طلسم تیرا عروج پر

میں وہ آگ ہوں جو بجھے گی تیرے زوال سے

ترے موسموں کے تغیرات عجیب ہیں

میں قبا بنانے لگا ہوں پیڑ کی چھال سے

na gire kahin na hare hue kai sal se

yun hi khushk pat jure rahe tiri dal se

koi lams tha jo sarapa ankh bana raha

koi phul jhankta rah gaya kisi shal se

tiri kainat se kuchh ziyada talab nahin

faqat ek moti hi motiyon bhare thal se

to wo sahira ke tilism tera uruj par

main wo ag hun jo bujhegi tere zawal se

tire mausamon ke taghayyurat ajib hain

main qaba banane laga hun per ki chhal se