جھوٹی حقیقتوں کی طرح لوگ مر گئے

جھوٹی حقیقتوں کی طرح لوگ مر گئے

لیکن دلوں پہ نقش وہ تصویر کر گئے

سمجھیں گے اپنی عمر کا قصہ تمام ہے

رنگ خزاں کو دیکھ کے جس روز ڈر گئے

سب کو جلا کے راکھ ہوئی موسموں کی آگ

سب کو ڈبو کے دیکھیے دریا اتر گئے

چڑیوں نے جس پہ آس کے ڈیرے جمائے تھے

ننگی ہیں اس کی ڈالیاں پتے بکھر گئے

فکریؔ برستی شام سی ہے دوپہر مگر

نکلی ذرا سی دھوپ تو چہرے نکھر گئے

jhuti haqiqaton ki tarah log mar gae

lekin dilon pe naqsh wo taswir kar gae

samjhenge apni umr ka qissa tamam hai

rang-e-khizan ko dekh ke jis roz dar gae

sab ko jala ke rakh hui mausamon ki ag

sab ko dubo ke dekhiye dariya utar gae

chiriyon ne jis pe as ke dere jamae the

nangi hain us ki daliyan patte bikhar gae

fikri barasti sham si hai dopahar magar

nikli zara si dhup to chehre nikhar gae