کل لہکتی چاندنی نے اور بھی تنہا کیا

کل لہکتی چاندنی نے اور بھی تنہا کیا

میں اندھیرے بند کمرے میں پڑا رویا کیا

آندھیوں کی زد میں آ کر آرزوؤں کا شجر

خشک پتے سا سہم کر خوف سے لرزا کیا

گہرے پانی کے سکوں کا راز پانے کے لئے

اس کی تہہ میں ڈوب جاؤں دیر تک سوچا کیا

لاش اس کی مت جلاؤ سرد مٹی ڈال کر

زندگی میں جو بچارہ آگ میں جھلسا کیا

وقت نے فکریؔ ملی ہے خاک ایسی شکل پر

وہ بھی مجھ کو غیر بن کر دور سے دیکھا کیا

kal lahakti chandni ne aur bhi tanha kiya

main andhere band kamre mein para roya kya

andhiyon ki zad mein a kar arzuon ka shajar

khushk patte sa sahm kar khauf se larza kya

gahre pani ke sukun ka raz pane ke liye

us ki tah mein dub jaun der tak socha kiya

lash us ki mat jalao sard mitti dal kar

zindagi mein jo bacharah ag mein jhulsa kiya

waqt ne fikri mili hai khak aisi shakl par

wo bhi mujh ko ghair ban kar dur se dekha kiya