مرے آنگن میں پیلی دھوپ جب دیوار سے اتری

مرے آنگن میں پیلی دھوپ جب دیوار سے اتری

اندھیرے کی سیہ چادر نہ جانے اور کیوں پھیلی

جلایا خواہشوں نے رات کی تنہائی میں مجھ کو

بہت ہی دور تھی پر لذتوں کی نرم رو ندی

ہوا کا ہاتھ بھی اب جسم تیرا گدگدائے گا

نہ سو ایسی رتوں میں کھول کر یوں رات کو کھڑکی

یہ بوڑھا پیڑ بیچارہ خموشی کو ترستا ہے

سدا رہتی ہے اس پہ گونجتی چہکار چڑیوں کی

ترا رنگین پیکر گھومتا ہے آنکھ میں جیسے

تھرکتی ڈولتی شاخوں پہ اڑتی شوخ سی تتلی

کسی کروٹ نہ چین آیا نہ آئی نیند ہی مجھ کو

بڑی غم ناک غم انگیز کل کی رات تھی فکریؔ

mire angan mein pili dhup jab diwar se utri

andhere ki siyah chadar na jane aur kyun phaili

jalaya khwahishon ne rat ki tanhai mein mujh ko

bahut hi dur thi par lazzaton ki narm ro naddi

hawa ka hath bhi ab jism tera gudgudaega

na so aisi ruton mein khol kar yun rat ko khirki

ye burha per bechara khamoshi ko tarasta hai

sada rahti hai us pe gunjti chahkar chiriyon ki

tira rangin paikar ghumta hai ankh mein jaise

thirakti dolti shakhon pe urti shokh si titli

kisi karwat na chain aya na ai nind hi mujh ko

bari gham nak gham angez kal ki rat thi fikri