پتھر کی ہتھیلی پہ کوئی پھول اگا دے
Parkash Fikri (1931–2008)پتھر کی ہتھیلی پہ کوئی پھول اگا دے
ذروں کی تب و تاب سے سورج کو جلا دے
الفاظ کے سینے میں ہمکتے ہوئے خوں سے
کاغذ پہ کسی خواب کی تصویر بنا دے
اترا ہے پہاڑوں سے غضب ناک اندھیرا
ایسے میں کوئی چیخ کے مجھ کو نہ ڈرا دے
گلیوں میں ہوا رات کو روتی ہے اکیلی
پھیلے ہوئے جنگل کی اسے راہ بتا دے
ہے دور بہت دور وہ سرسبز جزیرہ
جائے گا وہاں کون کہ تھکتے ہیں ارادے
ساحل پہ ترے ساتھ تھا فکریؔ تو ہوا کیا
موجوں میں کبھی ڈوب کے تو اس کو صدا دے
patthar ki hatheli pe koi phul uga de
zarron ki tab-o-tab se suraj ko jala de
alfaz ke sine mein hamkutte hue khun se
kaghaz pe kisi khwab ki taswir bana de
utra hai paharon se ghazab nak andhera
aise mein koi chikh ke mujh ko na dara de
galiyon mein hua rat ko roti hai akeli
phaile hue jangal ki use rah bata de
hai dur bahut dur wo sarsabz jazira
jaega wahan kaun ke thakte hain irade
sahil pe tire sath tha fikri to hua kya
maujon mein kabhi dub ke to us ko sada de