چاندی جیسی جھلمل مچھلی پانی پگھلے نیلم سا

چاندی جیسی جھلمل مچھلی پانی پگھلے نیلم سا

شاخیں جس پر جھکی ہوئی ہیں دریا بہتے سرگم سا

سورج روشن رستہ دے گا کالے گہرے جنگل میں

خوف اندھیری راتوں کا اب نقش ہوا ہے مدھم سا

درد نہ اٹھا کوئی دل میں لہو نہ ٹپکا آنکھوں سے

کہنے والا بجھا بجھا تھا قصہ بھی تھا مبہم سا

ہنستی گاتی سب تصویریں ساکت اور مبہوت ہوئیں

لگتا ہے اب شہر ہی سارا ایک پرانے البم سا

سرد اکیلا بستر فکریؔ نیند پہاڑوں پار کھڑی

گرم ہوا کا جھونکا ڈھونڈوں جی سے گیلے موسم سا

chandi jaisi jhilmil machhli pani pighle nilam sa

shakhen jis par jhuki hui hain dariya bahte sargam sa

suraj raushan rasta dega kale gahre jangal mein

khauf andheri raton ka ab naqsh hua hai maddham sa

dard na utha koi dil mein lahu na tapka ankhon se

kahne wala bujha bujha tha qissa bhi tha mubham sa

hansti gati sab taswiren sakit aur mabhut huin

lagta hai ab shahr hi sara ek purane albam sa

sard akela bistar fikri nind paharon par khari

garm hawa ka jhonka dhundun ji se gile mausam sa