پہاڑوں سے اترتی شام کی بے چارگی دیکھیں

پہاڑوں سے اترتی شام کی بے چارگی دیکھیں

درختوں پر لرز کر بجھ رہی ہیں آخری کرنیں

بہت ہی سرد ہے اب کے دیار شوق کا موسم

چلو گزرے دنوں کی راکھ میں چنگاریاں ڈھونڈیں

بھلا پتھر بھی روتے ہیں کبھی شیشے کے زخموں پر

اگر ہوتا ہے ایسا تو حساب دوستاں بھولیں

سواد شام میں ڈھونڈیں کوئی مانوس سا چہرہ

ہوا کی رہ گزر پہ ایک ننھا سا دیا رکھیں

کہاں الفاظ دیتے ہیں ہمارا ساتھ اب فکریؔ

کہے اشعار سب بے جاں ہوئیں بے کار سب غزلیں

paharon se utarti sham ki be chargi dekhen

darakhton par laraz kar bujh rahi hain akhiri kirnen

bahut hi sard hai ab ke dayar-e-shauq ka mausam

chalo guzre dinon ki rakh mein chingariyan dhunden

bhala patthar bhi rote hain kabhi shishe ke zakhmon par

agar hota hai aisa to hisab-e-dostan bhulen

sawad-e-sham mein dhunden koi manus sa chehra

hawa ki rah guzar pe ek nanha sa diya rakhen

kahan alfaz dete hain hamara sath ab fikri

kahe ashar sab be jan huin be kar sab ghazlen