اس نے دیکھا جو مجھے عالم حیرانی میں

اس نے دیکھا جو مجھے عالم حیرانی میں

گر پڑا ہاتھ سے آئینہ پریشانی میں

آ گئے ہو تو برابر ہی میں خیمہ کر لو

میں تو رہتا ہوں اسی بے سر و سامانی میں

اس قدر غور سے مت دیکھ بھنور کی جانب

تو بھی چکرا کے نہ گر جائے کہیں پانی میں

کبھی دیکھا ہی نہیں اس نے پریشاں مجھ کو

میں کہ رہتا ہوں سدا اپنی نگہبانی میں

وہ مرا دوست تھا دشمن تو نہیں تھا فیصلؔ

میں نے ہر بات بتا دی اسے نادانی میں

us ne dekha jo mujhe alam-e-hairani mein

gir para hath se aina pareshani mein

a gae ho to barabar hi mein khema kar lo

main to rahta hun usi be sar-o-samani mein

is qadar ghaur se mat dekh bhanwar ki janib

tu bhi chakra ke na gir jae kahin pani mein

kabhi dekha hi nahin us ne pareshan mujh ko

main ke rahta hun sada apni nigahbani mein

wo mira dost tha dushman to nahin tha faisal

main ne har bat bata di use nadani mein