دکھ نہیں ہے کہ جل رہا ہوں میں

دکھ نہیں ہے کہ جل رہا ہوں میں

روشنی میں بدل رہا ہوں میں

ٹوٹتا ہے تو ٹوٹ جانے دو

آئنے سے نکل رہا ہوں میں

رزق ملتا ہے کتنی مشکل سے

جیسے پتھر میں پل رہا ہوں میں

ہر خزانے کو مار دی ٹھوکر

اور اب ہاتھ مل رہا ہوں میں

خوف غرقاب ہو گیا فیصلؔ

اب سمندر پہ چل رہا ہوں میں

dukh nahin hai ke jal raha hun main

raushni mein badal raha hun main

tutta hai to tut jane do

aine se nikal raha hun main

rizq milta hai kitni mushkil se

jaise patthar mein pal raha hun main

har khazane ko mar di thokar

aur ab hath mal raha hun main

khauf gharqab ho gaya faisal

ab samundar pe chal raha hun main