گر جائے جو دیوار تو ماتم نہیں کرتے

گر جائے جو دیوار تو ماتم نہیں کرتے

کرتے ہیں بہت لوگ مگر ہم نہیں کرتے

ہے اپنی طبیعت میں جو خامی تو یہی ہے

ہم عشق تو کرتے ہیں مگر کم نہیں کرتے

نفرت سے تو بہتر ہے کہ رستے ہی جدا ہوں

بے کار گزر گاہوں کو باہم نہیں کرتے

ہر سانس میں دوزخ کی تپش سی ہے مگر ہم

سورج کی طرح آگ کو مدھم نہیں کرتے

کیا علم کہ روتے ہوں تو مر جاتے ہوں فیصلؔ

وہ لوگ جو آنکھوں کو کبھی نم نہیں کرتے

gir jae jo diwar to matam nahin karte

karte hain bahut log magar ham nahin karte

hai apni tabiat mein jo khami to yahi hai

ham ishq to karte hain magar kam nahin karte

nafrat se to behtar hai ke raste hi juda hun

be kar guzar gahon ko baham nahin karte

har sans mein dozakh ki tapish si hai magar ham

suraj ki tarah ag ko maddham nahin karte

kya ilm ke rote hun to mar jate hun faisal

wo log jo ankhon ko kabhi nam nahin karte