یہ بھی نہیں کہ دست دعا تک نہیں گیا

یہ بھی نہیں کہ دست دعا تک نہیں گیا

میرا سوال خلق خدا تک نہیں گیا

پھر یوں ہوا کہ ہاتھ سے کشکول گر پڑا

خیرات لے کے مجھ سے چلا تک نہیں گیا

مصلوب ہو رہا تھا مگر ہنس رہا تھا میں

آنکھوں میں اشک لے کے خدا تک نہیں گیا

جو برف گر رہی تھی مرے سر کے آس پاس

کیا لکھ رہی تھی مجھ سے پڑھا تک نہیں گیا

فیصلؔ مکالمہ تھا ہواؤں کا پھول سے

وہ شور تھا کہ مجھ سے سنا تک نہیں گیا

ye bhi nahin ke dast-e-dua tak nahin gaya

mera sawal-e-khalq-e-khuda tak nahin gaya

phir yun hua ke hath se kashkol gir para

khairat le ke mujh se chala tak nahin gaya

maslub ho raha tha magar hans raha tha main

ankhon mein ashk le ke khuda tak nahin gaya

jo barf gir rahi thi mire sar ke as pas

kya likh rahi thi mujh se parha tak nahin gaya

faisal mukalama tha hawaon ka phul se

wo shor tha ke mujh se suna tak nahin gaya