مجھ کو یہ فکر کب ہے کہ سایہ کہاں گیا

مجھ کو یہ فکر کب ہے کہ سایہ کہاں گیا

سورج کو رو رہا ہوں خدایا کہاں گیا

پھر آئنے میں خون دکھائی دیا مجھے

آنکھوں میں آ گیا تو چھپایا کہاں گیا

آواز دے رہا تھا کوئی مجھ کو خواب میں

لیکن خبر نہیں کہ بلایا کہاں گیا

کتنے چراغ گھر میں جلائے گئے نہ پوچھ

گھر آپ جل گیا ہے جلایا کہاں گیا

یہ بھی خبر نہیں ہے کہ ہم راہ کون ہے

پوچھا کہاں گیا ہے بتایا کہاں گیا

وہ بھی بدل گیا ہے مجھے چھوڑنے کے بعد

مجھ سے بھی اپنے آپ میں آیا کہاں گیا

تجھ کو گنوا دیا ہے مگر اپنے آپ کو

برباد کر دیا ہے گنوایا کہاں گیا

mujh ko ye fikr kab hai ke saya kahan gaya

suraj ko ro raha hun khudaya kahan gaya

phir aine mein khun dikhai diya mujhe

ankhon mein a gaya to chhupaya kahan gaya

awaz de raha tha koi mujh ko khwab mein

lekin khabar nahin ke bulaya kahan gaya

kitne charagh ghar mein jalae gae na puchh

ghar ap jal gaya hai jalaya kahan gaya

ye bhi khabar nahin hai ke ham rah kaun hai

puchha kahan gaya hai bataya kahan gaya

wo bhi badal gaya hai mujhe chhorne ke baad

mujh se bhi apne ap mein aya kahan gaya

tujh ko ganwa diya hai magar apne ap ko

barbad kar diya hai ganwaya kahan gaya