شامیانوں کی وضاحت تو نہیں کی گئی ہے

شامیانوں کی وضاحت تو نہیں کی گئی ہے

آج خیرات ہے دعوت تو نہیں کی گئی ہے

دیکھتی ہے ہمیں دنیا اسے روکا جائے

ساتھ رہتے ہیں محبت تو نہیں کی گئی ہے

ہم نے کاسہ ہی بڑھایا ہے دعا دیتے ہوئے

در بہ در جا کے شکایت تو نہیں کی گئی ہے

راستہ ہے اسے ملنے کی جگہ کہتے ہیں

آپ سے ملنے کی زحمت تو نہیں کی گئی ہے

آج پھر آئینہ دیکھا ہے کئی سال کے بعد

کہیں اس بار بھی عجلت تو نہیں کی گئی ہے

پہلی دھڑکن ہی میاں وزن میں تھی شکر کرو

شاعری آج عنایت تو نہیں کی گئی ہے

shamyanon ki wazahat to nahin ki gai hai

aj khairat hai daawat to nahin ki gai hai

dekhti hai hamen duniya use roka jae

sath rahte hain mohabbat to nahin ki gai hai

ham ne kasa hi barhaya hai dua dete hue

dar ba dar ja ke shikayat to nahin ki gai hai

rasta hai use milne ki jagah kahte hain

ap se milne ki zahmat to nahin ki gai hai

aj phir aina dekha hai kai sal ke baad

kahin is bar bhi ujlat to nahin ki gai hai

pahli dharkan hi miyan wazn mein thi shukr karo

shayari aj inayat to nahin ki gai hai