میں غار میں تھا اور ہوا کے بغیر تھا

میں غار میں تھا اور ہوا کے بغیر تھا

اک روز آفتاب ضیا کے بغیر تھا

ساحل پہ آ کے ڈوب گئی ناؤ اپنے آپ

اک شخص اس میں اپنی رضا کے بغیر تھا

سب رو رہے تھے خوف کی دیوار سے لگے

کہرام تھا کہ صوت و صدا کے بغیر تھا

کیوں نقش پا تمام کسی دائرے میں تھے

یہ کون تھا جو دست دعا کے بغیر تھا

فیصلؔ جو شہر آپ ہی مسمار ہو گیا

کیا علم کب سے حمد و ثنا کے بغیر تھا

main ghar mein tha aur hawa ke baghair tha

ik roz aftab ziya ke baghair tha

sahil pe a ke dub gai nao apne ap

ik shakhs is main apni raza ke baghair tha

sab ro rahe the khauf ki diwar se lage

kohram tha ke saut-o-sada ke baghair tha

kyun naqsh-e-pa tamam kisi daire mein the

ye kaun tha jo dast-e-dua ke baghair tha

faisal jo shahr ap hi mismar ho gaya

kya ilm kab se hamd-o-sana ke baghair tha