کھنڈر یہ پھر بسانے کا ارادہ ہی نہیں تھا

کھنڈر یہ پھر بسانے کا ارادہ ہی نہیں تھا

بدن میں لوٹ آنے کا ارادہ ہی نہیں تھا

شکم کی آگ نے بیلوں کو ہانکنا سکھایا

وگرنہ ہل چلانے کا ارادہ ہی نہیں تھا

وہ اپنے بھیڑیوں کو سیر پر لایا تھا بن میں

غزالوں کو ڈرانے کا ارادہ ہی نہیں تھا

کہا تھا طائروں سے پیڑ کو دیمک لگی ہے

کسی کو آزمانے کا ارادہ ہی نہیں تھا

خبر کب تھی کہ آنکھیں اوس برسانے لگیں گی

تجھے ورنہ جگانے کا ارادہ ہی نہیں تھا

میں تیرے ساتھ اڑتا پھر رہا تھا آسماں میں

خدا کو بھول جانے کا ارادہ ہی نہیں تھا

صدی میں نے تمناؤں کو بال و پر دیے تھے

مگر ان کو اڑانے کا ارادہ ہی نہیں تھا

khandar ye phir basane ka irada hi nahin tha

badan mein laut ane ka irada hi nahin tha

shikam ki ag ne bilon ko hankna sikhaya

wagarna hal chillane ka irada hi nahin tha

wo apne bheriyon ko sair par laya tha ban mein

ghazalon ko darane ka irada hi nahin tha

kaha tha tairon se per ko dimak lagi hai

kisi ko azmane ka irada hi nahin tha

khabar kab thi ke ankhen os barasane lagengi

tujhe warna jagane ka irada hi nahin tha

main tere sath urta phir raha tha asman mein

khuda ko bhul jane ka irada hi nahin tha

sadi main ne tamannaon ko bal-o-par diye the

magar un ko urane ka irada hi nahin tha