بہ طرز خواب سجانی پڑی ہے آخر کار

بہ طرز خواب سجانی پڑی ہے آخر کار

نئی زمین بنانی پڑی ہے آخر کار

تپش نے جس کی مجھے کیمیا بنانا تھا

مجھے وہ آگ بجھانی پڑی ہے آخر کار

بہت دنوں سے یہ مٹی پڑی تھی ایک جگہ

ہر ایک سمت اڑانی پڑی ہے آخر کار

جہاں پہ قصر بنائے گئے تھے کاغذ کے

وہاں سے راکھ اٹھانی پڑی ہے آخر کار

وہ پاؤں بھیگے ہوئے دیکھنے کی خواہش میں

چمن میں اوس بچھانی پڑی ہے آخر کار

مرے بدن کی ضیا بڑھ گئی تھی سورج سے

لہو میں رات ملانی پڑی ہے آخر کار

زمیں پہ داغ بہت پڑ گئے تھے خون کے داغ

فلک کو برف گرانی پڑی ہے آخر کار

ba tarz-e-khwab sajani pari hai akhir kar

nai zamin banani pari hai akhir kar

tapish ne jis ki mujhe kimiya banana tha

mujhe wo ag bujhani pari hai akhir kar

bahut dinon se ye mitti pari thi ek jagah

har ek samt urani pari hai akhir kar

jahan pe qasr-e-banae gae the kaghaz ke

wahan se rakh uthani pari hai akhir kar

wo paon bhige hue dekhne ki khwahish mein

chaman mein os bichhani pari hai akhir kar

mire badan ki ziya barh gai thi suraj se

lahu mein rat milani pari hai akhir kar

zamin pe dagh bahut par gae the khun ke dagh

falak ko barf girani pari hai akhir kar