گیا کہ سیل رواں کا بہاؤ ایسا تھا

گیا کہ سیل رواں کا بہاؤ ایسا تھا

وہ ایک خواب جو کاغذ کی ناؤ ایسا تھا

کسی کو بھی نہ تھا آسان سانس کا لینا

مری زمیں پہ ہوا کا دباؤ ایسا تھا

لہو کی دھار سلامت رہی نہ سانس کا تار

مجھے جو کاٹ گیا وہ کٹاؤ ایسا تھا

وہ ٹمٹماتا تو اس کی ضیا بھی کم پڑتی

کسی دیے سے لہو کا لگاؤ ایسا تھا

وہ ایک تھا جو مجھے چار سو دکھائی دیا

میں جنگ ہار گیا ہوں کہ داؤ ایسا تھا

مجھے تو لاج کے اجلے لباس میں وہ بدن

گلاب برف میں جیسے چھپاؤ ایسا تھا

بنے ہیں ناگ مرے بن میں پیڑ جتنے تھے

لگی ہے آگ صبا کا سبھاؤ ایسا تھا

gaya ke sail-e-rawan ka bahao aisa tha

wo ek khwab jo kaghaz ki nao aisa tha

kisi ko bhi na tha asan sans ka lena

miri zamin pe hawa ka dabao aisa tha

lahu ki dhar salamat rahi na sans ka tar

mujhe jo kat gaya wo katao aisa tha

wo timtimata to us ki ziya bhi kam parti

kisi diye se lahu ka lagao aisa tha

wo ek tha jo mujhe char su dikhai diya

main jang har gaya hun ke dao aisa tha

mujhe to laj ke ujle libas mein wo badan

gulab barf mein jaise chhupao aisa tha

bane hain nag mire bin mein per jitne the

lagi hai ag saba ka sabhao aisa tha