خاموشی کی قرأت کرنے والے لوگ

خاموشی کی قرأت کرنے والے لوگ

ابو جی اور سارے مرنے والے لوگ

روشنیوں کے دھبے ان کے بیچ خلا

اور خلاؤں سے ہم ڈرنے والے لوگ

مٹی کے کوزے اور ان میں سانس کی لو

رب رکھے یہ برتن بھرنے والے لوگ

میرے چاروں جانب اونچی اونچی گھاس

میرے چاروں جانب چرنے والے لوگ

آخر جسم بھی دیواروں کو سونپ گئے

دروازوں میں آنکھیں دھرنے والے لوگ

khamoshi ki qarat karne wale log

abu ji aur sare marne wale log

raushniyon ke dhabbe un ke bich khala

aur khalaon se ham darne wale log

mitti ke kuze aur un mein sans ki lau

rab rakhe ye bartan bharne wale log

mere charon janib unchi unchi ghas

mere charon janib charne wale log

akhir jism bhi diwaron ko saunp gae

darwazon mein ankhen dharne wale log