اجالا ہی اجالا روشنی ہی روشنی ہے

اجالا ہی اجالا روشنی ہی روشنی ہے

اندھیرے میں جو تیری آنکھ مجھ کو دیکھتی ہے

ابھی جاگا ہوا ہوں میں کہ تھک کر سو چکا ہوں

دئیے کی لو سے کوئی آنکھ مجھ کو دیکھتی ہے

تجسس ہر افق پر ڈھونڈھتا رہتا ہے اس کو

کہاں سے اور کیسی آنکھ مجھ کو دیکھتی ہے

عمل کے وقت یہ احساس رہتا ہے ہمیشہ

مرے اندر سے اپنی آنکھ مجھ کو دیکھتی ہے

میں جب بھی راستے میں اپنے پیچھے دیکھتا ہوں

وہی اشکوں میں بھیگی آنکھ مجھ کو دیکھتی ہے

کہیں سے ہاتھ بڑھتے ہیں مرے چہرے کی جانب

کہیں سے سرخ ہوتی آنکھ مجھ کو دیکھتی ہے

درختو مجھ کو اپنے سبز پتوں میں چھپا لو

فلک سے ایک جلتی آنکھ مجھ کو دیکھتی ہے

ujala hi ujala raushni hi raushni hai

andhere mein jo teri ankh mujh ko dekhti hai

abhi jaga hua hun main ke thak kar so chuka hun

diye ki lau se koi ankh mujh ko dekhti hai

tajassus har ufuq par dhundhta rahta hai us ko

kahan se aur kaisi ankh mujh ko dekhti hai

amal ke waqt ye ehsas rahta hai hamesha

mire andar se apni ankh mujh ko dekhti hai

main jab bhi raste main apne pichhe dekhta hun

wahi ashkon mein bhigi ankh mujh ko dekhti hai

kahin se hath barhte hain mire chehre ki janib

kahin se surkh hoti ankh mujh ko dekhti hai

darakhto mujh ko apne sabz patton mein chhupa lo

falak se ek jalti ankh mujh ko dekhti hai