دریا کی بے پناہ روانی سے ڈر لگا

دریا کی بے پناہ روانی سے ڈر لگا

وہ سگ گزیدہ تھا اسے پانی سے ڈر لگا

چہرہ تھا یا مزار پہ کتبہ لگا ہوا

دیکھا جو آئنہ تو جوانی سے ڈر لگا

سر دے کے بھی ہم اس کی حفاظت نہ کر سکے

بیتے ہوئے دنوں کی نشانی سے ڈر لگا

خود کو سنانے بیٹھے جو ہم اپنی داستاں

اتنی عجیب تھی کہ کہانی سے ڈر لگا

طے کر چکے سخن کی بلندی تو دفعتاً

اقبالؔ و میرؔ و غالبؔ و فانیؔ سے ڈر لگا

dariya ki be panah rawani se dar laga

wo sag gazida tha use pani se dar laga

chehra tha ya mazar pe katba laga hua

dekha jo aina to jawani se dar laga

sar de ke bhi ham us ki hifazat na kar sake

bite hue dinon ki nishani se dar laga

khud ko sunane baithe jo ham apni dastan

itni ajib thi ke kahani se dar laga

tai kar chuke sukhan ki bulandi to dafatan

iqbal-o-mir-o-ghalib-o-fani se dar laga