فاقہ مستی میں بھی جینے کی ادا لے جائیں گے

فاقہ مستی میں بھی جینے کی ادا لے جائیں گے

یہ لٹیرے میرے گھر سے اور کیا لے جائیں گے

دندناتے پھر رہے ہیں زعفرانی بھیڑیے

گھر کے اندر گھس کے بچوں کو اٹھا لے جائیں گے

آدمی کا جسم ہوگا اور سر ابلیس کا

پاٹھ شالاؤں میں کالے سانپ پالے جائیں گے

ان کا مقصد ہے خدا سے ہر وسیلہ کاٹ دیں

ہاتھ سے قرآن ہونٹوں سے دعا لے جائیں گے

ذرہ ذرہ لال کر دیں گے ہمارے خون سے

اور ہمیں سے یہ ستم گر خوں بہا لے جائیں گے

وہ مٹا دیں گے ہماری عظمتوں کا ہر نشاں

چاند تاروں سے ہمارا نقش پا لے جائیں گے

تشنگی ہوگی جہاں بے ساختہ نوحہ کناں

اس جگہ ہم داستان کربلا لے جائیں گے

خونچکاں تاریخ دہرائے گی اپنے آپ کو

میکدے سے شیخ جی پھر سے نکالے جائیں گے

کب تلک یوں ہی دعاؤں پر رہے گا انحصار

کب تلک سر یوں ہی نیزوں پر اچھالے جائیں گے

پارسا ہمراہ لے جائیں گے پندار عمل

ہم تو اپنے ساتھ ان کی خاک پا لے جائیں گے

لوٹ کر جانے نہ پائیں گے یہ ظالم خالی ہاتھ

کچھ نہیں تو ساتھ اپنے بد دعا لے جائیں گے

faqa masti mein bhi jine ki ada le jaenge

ye lutere mere ghar se aur kiya le jaenge

dandanate phir rahe hain zafrani bheriye

ghar ke andar ghis ke bachchon ko utha le jaenge

admi ka jism hoga aur sar iblis ka

path shalaon mein kale sanp pale jaenge

un ka maqsad hai khuda se har wasila kat den

hath se quran honton se dua le jaenge

zarra zarra lal kar denge hamare khun se

aur hamen se ye sitam gar khun baha le jaenge

wo mita denge hamari azmaton ka har nishan

chand taron se hamara naqsh-e-pa le jaenge

tishnagi hogi jahan be sakhta nauha kunan

is jagah ham dastan-e-karbala le jaenge

khunchakan tarikh dohraegi apne ap ko

maikade se shaikh ji phir se nikale jaenge

kab talak yun hi duaon par rahega inhisar

kab talak sar yun hi nezon par uchhale jaenge

parsa hamrah le jaenge pindar-e-amal

ham to apne sath un ki khak-e-pa le jaenge

laut kar jane na paenge ye zalim khali hath

kuchh nahin to sath apne bad dua le jaenge