انتخابی دور میں شعلہ بیانی چھوڑ دی
Badr-e-Alam Khan Azmiانتخابی دور میں شعلہ بیانی چھوڑ دی
اس نے مجھ سے ہر طرح کی بد گمانی چھوڑ دی
اس کا وعدہ ہے وہ کر دے گا مجھے جنت نشیں
با خوشی میں نے اگر مسجد پرانی چھوڑ دی
میں حقائق کے سہارے اب تلک لڑتا رہا
پھر اچانک اس نے بڑھ کر اک کہانی چھوڑ دی
جو تھے محروم انا جا کر سمندر میں گرے
ایک دریا نے مگر اپنی روانی چھوڑ دی
جب ادب کے سورما بننے لگے پشہ صفت
ہم نے بھی اکتا کے آخر پہلوانی چھوڑ دی
میرے سر پر ہر طرف سے سیکڑوں پتھر لگے
جب سبک سر ہو کے میں نے سرگرانی چھوڑ دی
پر فشاں اشعار ہیں یا ہے فرشتوں کا نزول
یا عدم نے اک بلائے ناگہانی چھوڑ دی
عہد نو میں کچھ نہیں ملتا ہے قیمت کے بغیر
اب مسیحا نے روش اپنی پرانی چھوڑ دی
جانے کس کا حاشیہ بردار ہے میرا قلم
ہر کس و ناکس کی اس نے ترجمانی چھوڑ دی
intikhabi daur mein shola bayani chhor di
us ne mujh se har tarah ki bad gumani chhor di
us ka waada hai wo kar dega mujhe jannat nashin
ba khushi main ne agar masjid purani chhor di
main haqaiq ke sahare ab talak larta raha
phir achanak is ne barh kar ik kahani chhor di
jo the mahrum-e-ana ja kar samundar mein gire
ek dariya ne magar apni rawani chhor di
jab adab ke surma banne lage pasha sifat
ham ne bhi ukta ke akhir pahlwani chhor di
mere sar par har taraf se saikron patthar lage
jab subuk sar ho ke main ne sargirani chhor di
par fishan ashar hain ya hai farishton ka nuzul
ya adam ne ik bala-e-nagahani chhor di
ahd-e-nau mein kuchh nahin milta hai qimat ke baghair
ab masiha ne rawish apni purani chhor di
jane kis ka hashiya bardar hai mera qalam
har kis-o-nakas ki us ne tarjumani chhor di